Filme série foun husi Ba Futuru
Filme Série Domin Nakloke foka liu ba feto sira ne’ebé belun diak, no sira hasoru difikuldade no susar. Ita bele imajina kona-ba desportu, fuan kanek, domin no drama!
Selfie ne’e kona-ba estudante sekundária ida naran Teresa ne’ebé nu’udar jogadora basketeból ne’ebé di’ak ho nia doben Adão. Sira na’in rua hadomi malu, maibé ho selfie ida de’it bele destrui sira-nia relasaun tomak?
Objetivu sira:
1. Foka ba konskuénsia negativu potensiál sira liu husi partilla imazen seksuál sira
2. Hamenus atetudi kontrola ba labarik feto no feto sira
Iha Hakilar Sai Elvira nia belun di’ak Tina iha aman ne’ebé lanu-teen no jogadór. Bainhira nia joga lakon nia halo violénsia ba nia familía. Ida ne’e kontráriu ho Elvira ninia familía ne’ebé viziñu ho sira. Elvira ninia aman sempre tau matan ba nia oan sira no prepara hahan. Karik komunidade sai hodihalibur hamutuk atu hapara Tina nia aman antes nia oho nia feen?
Objetivu sira:
1. Demonstra benefisiu husi relasaun familia ne’ebé laho-violénsia
2. Haforsa komunidade no individual sira atu hamenus no prevene violensia bazea-ba-jenéru
3. Habelar informasaun kona-ba oinsa atu halo keixa ba Unidade Pesoál Vulnerável husi PNTL nian
Iha Lae Katak Lae grupo feto ida ne’ebé partisipa iha festa kazamentu ida. No sira hasoru joven mane na’in rua José (jogadór futeból estrela) no Siku (kantór talentozu ida) sira nain rua mós belun di’ak tebes. José hanoin katak nia mane ida ne’ebé mak atrai feto sira-nia atensaun no la fiar katak bainhira feto joven ida ne’ebé nia tau laran ba, Sonia deside katak nia la gosta José. Bainhira José obriga Sonia, festa kazamentu naksobu no José nia moris sai aat.
Objetivu sira:
1. Hamenus aseitasaun ba violénsia seksuál
2. Habelar informasaun kona-ba oinsa atu hetan asistensia ba kazu asaltu seksuál
maka kontinuasaun husi istoria iha SELFIE. Iha ne'ebe, Teresa hetan namoradu foun no nia kolega Lola komesa halao relasaun domin ne'ebe segredu ho Adao. Maibe mosu surpresa boot iha istoria ne'e, bainhira feto oan ne'e realiza katak nia isin rua!
Objetivu sira:
1. Fornese informasaun konaba prevensaun ba labarik feto atu hetan isin rua no promove dialogu nakloke iha reasaun ida kona diak atu halo relasaun sexsuál ou lae.
2. Foka ba Governu Timor-Leste nia polítika edukasaun inklusiva foun, ne’ebé tau énfaze ba importansia husi feto isin-rua no inan foinsa’e bele kontinua sira nia eskola.
Ba Futuru, ONG ida ne’ebé lori ita ba filme série Feto Fantastiku, agora dadauk anunsia ninia filme série foun ho naran Domin Nakloke / Unlocking Love. Filme série hirak ne’e mak parte husi servisu hamutuk hó Partnership Human Development no finansía husi Australian Aid. Kada epizódiu sei la’o hamutuk hó sesaun intervista ne’ebé permiti atu konta sai konteudu husi série hirak ne’e, konsellu husi matenek na’in ba ema foin sa’e sira no mós karik bainaka selebriti ida! Série hirak ne’e kria ona liuhusi Diversaun Metódolojia Edukasuan ida ne’ebé signifika katak mesmu ninia objetivu atu hato’o mensajen importante kona-ba igualidade jéneru no prevensaun violénsia ba haree nain sira, mantén filme ne’e divertidu no dada atensaun haree nain sira mak sei sai hanesan prioridade aas liu.
Domin Nakloke is produced by Ba Futuru a local NGO that specializes in delivering quality education products has an in-house team of media professionals that have written and produced several films.
Domin Nakloke mak filme ne’ebé prodús husi ONG Ba Futuru ne’ebé espesializa iha komunikasaun ba mudansa hahalok.Ba Futuru ekipa inklui - Sierra James (Producer), Jacinta Pereira (Diretór Asistente) ne'ebe ema konesu diak tamba nia mos atór Feto Fantástiku, Angelo dos Reis no Jose Henrique.
Dirétur Kriativu husi série hirak ne’e mak manan nai’in premiu ba Australian Film Maker Ian White, ne’ebé mak sei servisu hamutuk ho Ba Futuru ninia ekipa produsaun no mahalok filme Timor oan Asala de Jesus (uluk liu halimar iha telenovela Suku Hali) no mahalok filme Portugués Manuel Pestana.
Episodes
Oinsa Atu Manaja Hirus
Oinsa Atu Rezolve Konflitu
Posters Filme
Kontaktu ami sekarik ita iha pergunta ruma ka ita iha interese atu kontratu ho Ba Futuru ba ita-nia projeitu mudansa hahalok! informasaun klaru bele haree iha brosura ida ne'e.
Domin Nakoloke was made possible by the generous donations of the following organizations:
